Treng du eit pusterom fritt for prestasjonar? Har du lyst på litt nye perspektiv og møte andre studentar på ein litt annleis måte? Bli med på denne drop in-lesesirkelen og blir kjent med god litteratur og gode menneske!
På Høgskulen i Volda.Vi les ei novelle og eit dikt som vi snakkar om. Du kan velje å berre lytte eller delta med dine tankar og perspektiv. Her trengst ingen førebuingar, og alle er velkomne akkurat slik ein er – både om du har lese mykje eller lite. Det er gratis og ope for alle, og ingen påmelding!
Vi samlast i ei lita gruppe over nysteikte vaflar, kaffe og saft i Kaarstadstova (K100).
Velkomen!
Tekst og tanke er eit studentvelferdstilbod på Høgskulen i Volda med formål om å skape gode menneskemøter, dialog, demokrati og god helse gjennom samlesing av litteratur. Vi brukar lesemetoden samlesing/shared reading og faglege ansvarlege for arrangementet er Guro Kristin Gjøsdal (Nynorsksenteret), Lone Ellingsvåg Knutsen (studenthumanist) og Elin Gundersen (biblioteket).